Kati Maneja Jamal atambula ‘avimba’

Bya Musasi Waffe

Wadde empaka za Hi Skool Awards ziyiseeko ennaku okuva lwe zaabaddewo, Maneja w’abayimbi Ssaalongo BK ne Rozella akyatambula ng’avimba. Omanyi Maneja Benjamin Kalyesubula amanyiddwa nga Maneja Jamal ye yawangudde engule ya ‘Talent Manager of the year’.

Ono yabadde avuganya n’abalala musanvu okuli: Maneja Roger, Maneja Calm Ivan, Maneja wa Eddy Kenzo n’abalala.

Loodi ono twamuwulidde yeewaanira ku banne nti kaalidde engule eno banaamuwulira guno omwaka kubanga n’abayimbi be basimbudde.

Engule eno atambula nayo mu mmotoka era bwe wabaawo amuzalawo ng’agimukuba mu maaso.

Empaka zino ezirudde nga zoogeza abantu obwama zaabadde ku Pearl of Africa Hotel e Nakasero ku Lwomukaaga nga May 14, 2022.

Jamal azze azimba mpolampola erinnya lye kubanga akutte ku bayimbi bangi okuli: Sama Sojah, Bafana Bafana, Young Mulo n’abalala.