Gravity omutujju ayingidde ennyumba ye e Busaabala

DDALA akeezimbira tekabeera kato era omuyimbi Gravity Omutujju alaze amaanyi ku nnyumba ye gy’azimbye e Busaabala.

 Gravity amaze akabanga ng’azimba ennyumba eno era gye buvuddeko yateeka ebifaananyi byayo ku mutimbagano okulaga abantu omulimu we gutuuse.

Ge tufuna okuva e Busabala galaga nti omukulu ono kampeyini z’agenda okutandika ng’ayingidde amaka gano amatiribona era ateekateeka kukola kabaga.

 Abamu beebuuza ennyumba gy’abadde abeeramu e Salaama ky’agenda okugikoleramu wabula abamuli okumpi baatutegeezezza nti wano agenda okussaawo sityudiyo ye eya Trouble Entertainment.

Ennyumba ye ey’e Busaabala eri kumpi n’eya Don Zella, B2C, Frank Jah kwossa ne bbiici ya One Love e Busabala.