Izon T ayimbye ku mukolo gw’eyali muganzi we

OMUYIMBI Izon T, yeekokkola eyali muganzi we eyamukwese omukolo n’atuuka okumuyimbisa ku kwanjula kwe ng’atasoose kumubuulira kituufu.

Izon T anyumya nti eyali muninkini we gwe yayise erya Snear Music yamukubira
essimu ng’amuwa omulimu gw’okuyimba ku mukolo gwa mwannyina kyokka ng’ekituufu gwali mukolo gwe mwennyini.

“Ensimbi bansansula eziwera era ne bantegeeza nti omukolo guli Hoima wabula kye saamanya nti gwali gwa eyali muganzi wange, ng’ayanjula olulenzi lwe,” Izon T bw’agamba. Yayongeddeko nti bwe yatuukayo, baamussaamu obwesige okufulumya omugole.

“Nabaka akazindaalo ne nninda omugole anveeko emabega era nagenda okulaba nga ye Snear Music yennyini mu gomesi ennungi okuzaama,” Izon T bw’agamba.

Yayongeddeko nti era bye yayimba byalimu okukankana n’ategeeza nti
singa yamugambirawo nti omukolo gugwe, kyandisinze.