Masanga aleese oluyimba olupya

Bya Musasi waffe

Omuwandiisi w’ebitabo era omuyimbi Twaha Masanga tapowa. Akyagenda mu maaso n’okufulumya ennyimba anti bagamba nti omukisa gusanga yeetegese.

Masanga azze afulumya ennyimba okuli:  King Mwanga, Jukira Katonda, Olunaku Mulindwa, Topapira mukwano, Entununsi z’omukwano, Togaya mulimu n’endala nnyingi.

Kati w’osomera bino, Masanga aleese oluyimba olupya lw'atuumye ‘Namugema’. Alombojja ennaku gy’ayitamu oluvannyuma lw’omuwala gwe yali ayagala ennyo n’okumuteekamu ssente okumusuulawo n’abuuka n’abasajja abalala. Amulaajanidde n’amusaba adde awaka afumbe kubanga ye muntu yekka eyali amutegeera.

Masanga agamba nti omukyala ono yamulaga omukwano n’amuzimbira n’amaka wamu n’okumugulira mmotoka okumuwonya okubuukira boodabooda nga kwagasse n’okumubiita kyokka ate laba bwamwefuulira  n’amuddukako ng’afunye abasajja abalala n’okumusasuza obucaayi.